Nanna Øland Fabricius

Nanna Øland Fabricius yoki sahna nomi bilan Oh Land — daniyalik xonanda, qo'shiqnavis va raqqosa. Opera xonandasi va bastakor oilasida dunyoga kelgan Nanna Daniya va Shvetsiya qirollik balet maktablarida tahsil olgan, biroq belidagi jarohati tufayli raqs faoliyatini to'xtatishga majbur bo'lgan. Hozirgacha uchta albom chiqargan xonanda Nyu-Yorkning Bruklin shahrida istiqomat qiladi va daniyalik rassom Eske Katga turmushga chiqqan.