Muriel Robin

Muriel Robin (1955-yil 2-avgustda tug‘ilgan) — fransuz aktrisasi va komik. 2007-yilda "Eng yaxshi aktrisa" nominatsiyasida International Emmy mukofotini qo‘lga kiritgan, shuningdek, 2001-yilda César va olti bor Molière mukofotlariga nomzod bo‘lgan. Montbrison shahrida poyabzal do‘konlari egasi bo‘lgan Antuan Robin va Emi Rimboning qizi. 1960-yilda oilasi Sent-Etyenga ko‘chib o‘tdi. Bolaligidan odamlarni kuldirishni va qo‘shiqchi bo‘lishni orzu qilgan. Maktabdagi qiyinchiliklar va bazmlarga bo‘lgan muhabbati sabab bakalavriat imtihonlaridan ikki bor yiqilgan. 1977-yilda, 22 yoshida, Parijga borib, Cours Florent drama maktabiga o‘qishga kirdi. O‘qishni tamomlab, yana Sent-Etyenda poyabzal sotish bilan shug‘ullandi. 1981-yilda Parijda tanishgan Rojer Lurening Les Baladins en Agenais teatr truppasiga qo‘shildi. 1983-yilda Enni Gregorio bilan Parijga qaytib, Petit Théâtre de Bouvard’da ish boshladi va u yerda Didye Benyuro bilan tanishdi. Filipp Buvarning qat’iy talablariga qaramay, u yozgan "Double Foyer" pyesasida rol o‘ynadi.