Moeka Koizumi

Moeka Koizumi (1996-yil 27-fevralda tug‘ilgan) — yaponiyalik aktrisa, ovozli aktrisa va qo‘shiqchi. Hyogo prefekturasining Amagasaki shahridan. “Amuse” agentligi bilan hamkorlik qiladi. 2014-yili “Amuse Audition Festival” tanlovining qo‘shiq va ovozli aktyorlik yo‘nalishida g‘olib chiqqach, 2015-yilda ijodiy faoliyatini boshlagan. 2021-yilda u Haruki Ivata bilan birgalikda Pony Canyon boshqaruvidagi “harmoe” duetini tuzdi. Ularning “Kimagure Tictack” nomli ilk singli Oricon kundalik singllar xit-paradida 11-o‘rinni egalladi. Koizumi, asosan, “Revue Starlight” (Nana Daiba), “Love Live! Nijigasaki High School Idol Club” (Shioriko Mifune) va “D4DJ” (Jennifer Yuka Sasago) loyihalaridagi obrazlari bilan mashhur.