Mithun Chakraborty

Gourang Chakraborty (1950-yil, 16-iyun), sahna nomi Mithun Chakraborty (yoki Mithun Da) bilan mashhur — hind kinoaktyori, xonanda, prodyuser, yozuvchi, ijtimoiy xodim va sobiq parlament a'zosi. Ikki karra Filmfare mukofoti va uch karra Milliy kino mukofoti sovrindori. Aktyorlik debyutini 1976-yilda "Mrigayaa" dramasi bilan boshlagan va ushbu roli uchun "Eng yaxshi erkak roli" nominatsiyasida Milliy kino mukofotini qo‘lga kiritgan. Raqs ustasi sifatida tanilgan aktyor, ayniqsa, 1982-yilgi "Disco Dancer" filmidagi Jimmi obrazi bilan Hindistonning eng mashhur yulduzlaridan biriga aylandi. Chakraborty 250 ga yaqin hind, shuningdek, bengal, oriya va bxojpuri tillaridagi filmlarda suratga tushgan. U Monarch Group kompaniyasi egasi hamdir.