Mira Nair

Mira Nair (1957-yilda tug'ilgan) — Nyu-Yorkda yashovchi hindistonlik kinorejissyor va prodyuser. Mirabai Films kompaniyasiga asos solgan. Dehli va Garvard universitetlarida ta’lim olgan. Uning debyut filmi “Salaam Bombay!” (1988) Kann kinofestivalida “Oltin kamera” mukofotini qo'lga kiritib, “Oskar” mukofotiga nomzod bo'lgan. Nair ushbu filmdan tushgan daromadni Hindistondagi ko'cha bolalari uchun “Salaam Baalak Trust” tashkilotini ochishga sarflagan. U ko'pincha Garvardda tanishgan ssenariynavis Sooni Taraporevala bilan hamkorlik qiladi. Nair ko'plab xalqaro festivallar mukofotlari, shuningdek, Milliy kino mukofoti sovrindori, “Oskar”, “Oltin globus”, BAFTA va Filmfare mukofotlari nomzodi hisoblanadi.