Mike Nussbaum

Michael Nussbaum (1923-yil, 29-dekabr – 2023-yil, 23-dekabr) — amerikalik aktyor va rejissyor. Aktyorlik faoliyatini 1950-yillarda boshlagan Nussbaum Devid Mametning Brodvey va Chikagodagi ko‘plab sahna asarlarida ishtirok etgan. Kinodagi rollari qatorida Field of Dreams (1989) va Men In Black (1997) filmlarini alohida ta'kidlash mumkin. 1997-yilda Devid Xeyrning Racing Demon pyesasidagi roli uchun Jeff mukofotiga, 1984-yilda esa Mametning Glengarry Glen Ross spektaklidagi ishi uchun Drama Desk mukofotiga sazovor bo‘lgan. Rejissyor sifatida Art Shayning Where Have You Gone, Jimmy Stewart? (2002) asari ustida ishlagan.