Michel Piccoli

Mishel Jak Daniel Pikkoli skripkachi Anri Pikkoli va pianinochi Marsel Ekspert-Bezanson oilasida dunyoga kelgan. U 1954-yilda aktrisa Eleonor Xirt bilan turmush qurib, Anne-Kordeliya ismli qiz ko‘radi. Keyinchalik, 1966-yilda qo‘shiqchi Jyulyett Greko, 1978-yilda esa ssenariychi Lyudivin Klerk bilan oila qurgan. Pikkoli ijodiy faoliyatini 1945-yilda Kristian-Jakning "Sortilèges" filmida epizodik rolda boshlagan, ilk yirik ekran debyuti esa Lui Dakinning "Le Point Du Jour" filmiga to‘g‘ri keladi. Teatr sahnasida ham sermahsul ijod qilgan aktyor Piter Bruk, Lyuk Bondi va Patris Shero kabi taniqli rejissorlar bilan ishlagan.