Michel Legrand

Mishel Jan Legran (1932-yil 24-fevral – 2019-yil 26-yanvar) — fransiyalik bastakor, dirijyor, jazz pianinochisi va xonanda. 200 dan ortiq film va seriallar uchun musiqalar yozgan sermahsul ijodkor. U fransuz "yangi to‘lqin" rejissyori Jak Demining "Sherbur soybonlari" (1964) va "Roshfor qizlari" (1967) filmlari uchun yozgan musiqalari bilan ilk bor "Oskar" mukofotiga nomzod bo‘lgan. Legran "The Thomas Crown Affair" (1968) filmidagi "The Windmills of Your Mind" qo‘shig‘i, "Summer of '42" (1971) va Barbra Streyzandning "Yentl" (1983) filmlari uchun "Oskar" haykalchalarini qo‘lga kiritgan. Parij konservatoriyasini a'lo baholar bilan tamomlab, 22 yoshida "I Love Paris" (1954) albomi bilan xalqaro miqyosda tanilgan.