Michael Gambon

Ser Maykl Jon Gambon (1940-yil 19-oktabr — 2023-yil 27-sentabr) — irland-ingliz aktyori. Aktyorlik faoliyatini Lorens Olivye bilan birga Qirollik milliy teatrining asosiy aʼzolaridan biri sifatida boshlagan. Oltmish yillik faoliyati davomida u uchta Olivye mukofoti va toʻrtta BAFTA TV mukofotini qoʻlga kiritgan. 1998-yilda Qirolicha Yelizaveta II tomonidan teatr sanʼatiga qoʻshgan hissasi uchun ritsar unvoniga sazovor boʻlgan. Gambon Uilyam Shekspir asarlari asosidagi spektakllarda, jumladan, "Otello", "Hamlet", "Makbet" va "Koriolan" kabi sahna asarlarida ishtirok etgan. Oʻn uch marta Olivye mukofotiga nomzod boʻlib, ulardan uchtasida gʻolib chiqqan. 1997-yilda Brodvey sahnasida debyut qilib, Toni mukofotiga sazovor boʻlgan. U kino olamidagi debyutini 1965-yilda "Otello" filmida amalga oshirgan. Shuningdek, "The Cook, the Thief, His Wife & Her Lover", "The King's Speech" hamda "Harry Potter" filmlaridagi professor Albus Dambldor roli bilan butun dunyoga tanilgan.