Michael Collins

Maykl Kollinz (1930-yil 31-oktyabrda Italiyaning Rim shahrida tug'ilgan) — amerikalik sobiq astronavt va sinovchi-uchuvchi. 1963-yilda uchinchi guruh tarkibida o'n to'rtta astronavtdan biri etib tanlangan va kosmosga ikki marta parvoz qilgan. Uning ilk kosmik parvozi Gemini 10 missiyasi bo'lib, unda komandir Jon Yang bilan birga boshqa kosmik kema bilan ikki marta tutashuvni amalga oshirgan va ochiq kosmosga ikki marta chiqqan. Ikkinchi parvozida esa Apollo 11 kosmik kema modulining boshqaruvchisi bo'lgan. U oy orbitasida harakatlanib turgan paytda, Nil Armstrong va Baz Oldrin Oy yuzasiga qadam qo'shgan ilk insonlar bo'lishdi. Kollinz Oysafarga chiqqan dunyodagi atigi 24 nafar insondan biridir. Astronavt bo'lishidan avval u Qo'shma Shtatlar Harbiy akademiyasida o'qigan, so'ngra Harbiy-havo kuchlariga qo'shilib, Fransiyaning Chhambley-Bussieres aviabazasida F-86 samolyotlarini boshqargan. 1960-yilda Edvards aviabazasidagi USAF sinovchi-uchuvchilar maktabiga qabul qilingan. Astronavtlarning ikkinchi guruhiga qabul qilinish urinishi muvaffaqiyatsiz chiqqan bo'lsa-da, uchinchi guruhga qabul qilingan. 1970-yilda NASA'dan nafaqaga chiqqandan so'ng, Davlat departamentida Jamoatchilik bilan aloqalar bo'yicha davlat kotibi o'rinbosari lavozimida ishlagan. Bir yil o'tib Milliy havo va kosmik muzey direktori bo'ldi va bu lavozimni 1978-yilgacha, Smitson instituti kotibining o'rinbosari bo'lgunga qadar egallab turdi. 1980-yilda LTV Aerospace kompaniyasining vitse-prezidenti lavozimiga o'tdi va 1985-yilda o'z biznesini boshlash uchun iste'foga chiqdi. U 2014-yil aprelida vafot etguniga qadar Patrisiya bilan turmush qurgan.