Michael Cera

Michael Austin Cera (1988-yil 7-iyunda tugʻilgan) — kanadalik aktyor va musiqachi. U oʻz faoliyatini bolalar aktyori sifatida boshlagan, "The Berenstain Bears" animatsion serialida Brother Bear qahramonini ovozlashtirgan hamda "Confessions of a Dangerous Mind" (2002) filmida yosh Chuck Barris rolini oʻynagan. U AQShning koʻplab televideniye va kino loyihalarida, jumladan, "Arrested Development" (2003–2006, 2013, 2018–2019) sitkomidagi George Michael Bluth roli hamda "Superbad" (2007) filmidagi Evan, "Juno" (2007) filmidagi Paulie Bleeker, "Scott Pilgrim vs. the World" (2010) filmidagi Scott Pilgrim va "This Is the End" (2013) filmida oʻzining xayoliy qiyofasini gavdalantirgan rollari bilan tanilgan. U shuningdek, "The Lego Batman Movie" (2017) filmida Dick Grayson/Robin, "Sausage Party" (2016) filmida Barry hamda "Childrens Hospital" serialida eʼlonlar ortidagi ovoz egasi Sal Viscusoni ovozlashtirgan. Cera 2014-yilda Kenneth Lonergan'ning "This Is Our Youth" spektakli orqali Brodveyda debyut qilgan. Lonergan'ning 2018-yilgi "Lobby Hero" spektolidagi ijrosi uchun u "Toni" mukofotining "Pyesadagi eng yaxshi ikkinchi darajali erkak roli" nominatsiyasiga loyiq topilgan. Cera Lonergan'ning "The Waverly Gallery" spektaklining yangi talqinida ham bosh rolni oʻynagan. Aktyorlikdan tashqari, Cera musiqachi ham boʻlib, 2014-yilda oʻzining ilk "True That" albomini chiqargan. Cera, shuningdek, "Mister Heavenly" indi-rok superguruhi uchun gastrollarda bas-gitara chalib chiqqan.