Michaël Youn

Michaël Benayoun (1973-yilda tug‘ilgan), ijodiy nomi Michaël Youn — fransiyalik aktyor, xonanda, komik va teleboshlovchi. Suresn shahrida venger, italyan, marokashlik va aljirlik yahudiylar oilasida dunyoga kelgan. Dastlab diktorlik va aktyorlik ta’limini olib, 1998-yildan Parijning «Skyrock» radiostansiyasida faoliyat boshlagan. 2000-yil iyul oyida «Métropole 6» telekanalining «Morning Live» tonggi shousiga taklif etilgan. Vinsent Desanya va Benjamin Morgue bilan birga tayyorlagan parodiyalari, jumladan, Jan-Mishel Jarr va turli pop-yulduzlar ustidan qilingan hazillari katta shuhrat qozongan. «Morning Live» muvaffaqiyati asosan uning jamoasi bilan bog‘liq bo‘lib, ular loyihani tark etgach, ko‘rsatuv ko‘p o‘tmay yopilgan. 2002-yildan keyin esa musiqiy parodiyalarga, xususan, «Bratisla Boys» guruhi ijodiga e’tibor qaratgan.