Mia Frye

Mia Frye (1965-yil, 12-fevralda tug‘ilgan) — fransuz televideniyesi va sahnasida faoliyat yurituvchi amerikalik aktrisa, qo‘shiqchi, professional raqqosa va xoreograf. U ko‘proq Wes'ning "Alane" hamda Los del Río guruhining mashhur "Macarena" qo‘shiqlari uchun yaratgan raqs sahnalari bilan tanilgan. Nyu-Yorkda tug‘ilgan Mia 12 yoshida onasi Radiah Frye bilan Fransiyaga ko‘chib o‘tadi. Parijning Mare hududidagi raqs maktabini tamomlab, uch yildan so‘ng o‘qituvchilik faoliyatini boshlaydi. 1970-yillarning oxirlaridan boshlab televideniye shoularida ko‘rinish bera boshlagan Frye, 17 yoshida Luc Besson bilan tanishgach, Serge Gainsbourg'ning "Mon légionnaire" klipi uchun xoreografiya yaratish taklifini oladi. "Macarena" raqsini yaratishdagi asosiy maqsadi raqsni iloji boricha soddalashtirish bo‘lganini aytadi. 1998-yilda Parijdagi Olympia zalida o‘tkazilgan fransuz qo‘shiqchisi Sheila konsertining bosh xoreografi bo‘lgan. 2001-yildan esa Fransiyaning "Popstars" kabi realiti-shoularida hakam sifatida ishtirok etgan.