mgk

Colson Baker, sahnadagi nomi bilan mgk — amerikalik reper, xonanda, qo'shiqnavis, prodyuser va aktyor. Uning dastlabki "Machine Gun Kelly" taxallusi tezkor rep aytish uslubi hamda jinoiy olam vakili George "Machine Gun Kelly" Barnesga ishora sifatida tanlangan. Texas shtatining Hyuston shahrida tug'ilgan san'atkor ko'p ko'chib yurgan, 2005-yilda esa Ogayo shtatining Klivlend shahrida doimiy yashay boshlagan. Bad Boy va Interscope Records leyblari bilan hamkorlik qiladi. "Stamp Of Approval" (2006), "Homecoming" (2008), "100 Words and Running" (2010) va "Lace Up" (2010) miksteyplaridan so'ng keng shuhrat qozongan.