Merve Dizdar

Merve Dizdar (1986-yil, 25-iyunda tug‘ilgan) — turk aktrisasi. Izmirda tug‘ilgan, Çanakkale Onsekiz Mart universiteti tasviriy san’at fakultetini tamomlagan va Kadir Has universitetida aktyorlik bo‘yicha magistrlik darajasini olgan. Faoliyatini Semaver va Craft teatrlarida boshlagan. Kinodagi ilk qadamini 2011-yilda «Bir Ses Böler Geceyi» filmi bilan qo‘ygan. «Kavak Yelleri», «Geniş Aile», «Bir Yastıkta», «Doksanlar» seriallarida suratga tushgan. «Yutmak» pyesasidagi roli uchun «Afife Jale» teatr mukofotiga sazovor bo‘lgan. Keyinchalik «Vatanım Sensin» va «Mucize Doktor» seriallarida rol o‘ynagan. 2020-yilda «Eltilerin Savaşı» filmida bosh rolni ijro etdi. «Masumlar Apartmanı» serialidagi roli uchun «Oltin kapalak» mukofotini qo‘lga kiritgan. Shuningdek, Cem Yilmazning «Ersan Kuneri» loyihasida ishtirok etgan.