Melissa George

Melissa Suzanne George (1976-yil 6-avgustda tugʻilgan) — Avstraliya, Buyuk Britaniya va AQShda faoliyat olib borgan avstraliyalik kino va televideniye aktrisasi. Melissa asosan Avstraliyaning mashhur "Home and Away" serialidagi Angel Parrish roli bilan tanilgan. Shundan soʻng u "Roar", "Thieves", shuningdek, hit seriallar sanalgan "Alias" va "In Treatment" loyihalarida ishtirok etgan. U kino olamidagi debyutini ilmiy-fantastik neo-nuar janridagi "Dark City" (1998) filmida boshlagan, keyinchalik "The Limey" (1999) hamda David Linchning "Mulholland Dr." (2001) dramalarida ikkinchi darajali rollarni ijro etgan. Uning boshqa filmdagi ishlari sirasiga "The Amityville Horror" (2005) remeyki, "Turistas" (2006) trilleri va "30 Days of Night" (2007) qoʻrqinchli filmlari kiradi. U yaqinda psixologik triller janridagi "Triangle" (2009) filmidagi bosh roli uchun tanqidchilarning yuqori bahosiga sazovor boʻldi.