Mel B

Melani Janin Braun Makfi (1975-yil 29-mayda tug‘ilgan) — britaniyalik xonanda, qo‘shiqnavis, raqqosa va aktrisa. 90-yillarning o‘rtalarida “Spice Girls” pop-guruhi a’zosi sifatida dunyoga tanilgan. Guruh tarkibida “Scary Spice” taxallusi bilan mashhur bo‘lgan. “Spice Girls” tarixdagi eng ko‘p albom sotgan ayollar guruhi hisoblanadi. 2000-yilda guruh faoliyatiga tanaffus e’lon qilgan bo‘lsa-da, keyinchalik 2007-yilda birlashib, yangi albom taqdim etgan hamda “Return of the Spice Girls” (2007–2008) va “Spice World” (2019) kabi xalqaro konsert turlarini o‘tkazgan.