Meghan Trainor

Meghan Elizabeth Trainor (1993-yil, 22-dekabr) – amerikalik qo‘shiqchi, qo‘shiqnavis va iste’dodlar shousi hakami. U 2014-yilda Epic Records bilan shartnoma imzolab, „All About That Bass“ debyut singlini chiqargach, katta shuhrat qozondi. Ushbu qo‘shiq US Billboard Hot 100 chartida birinchi o‘rinni egallab, butun dunyo bo‘ylab 11 million nusxada sotilgan. U shu kungacha uchta studiyaviy albom chiqargan va 2016-yilda „Eng yaxshi yangi ijrochi“ nominatsiyasida Grammy mukofotini qo‘lga kiritgan.