Maya Jama

Maya Jama — 1994-yil 14-avgustda Angliyaning Bristol shahrida tug‘ilgan britaniyalik teleboshlovchi va radio DJ. U 2012-yilda media sohasidagi faoliyatini boshlash uchun Londonga ko‘chib o‘tdi. Dastlab JumpOff.TV va Sky UK'ning TRACE Sports telekanallarida ishlagan. 2014-yili MTV'ga ishga kirib, "Cannonball", "The Circle" va "Glow Up: Britain's Next Make-Up Star" kabi dasturlarni olib bordi. Radio sohasida 2014–2017-yillarda Rinse FM'da, 2018–2020-yillarda esa BBC Radio 1'da o‘z shousini taqdim etgan. 2023-yildan ITV2 telekanalining "Love Island" loyihasi boshlovchisi, shuningdek, "Love Island Games" va "Love Island: All Stars" spin-offlarini olib borgan. 2025-yildan beri ITV'ning "The Masked Singer" shousida hakamlar hay’ati a’zosi.