Max von Sydow

Maks fon Syudov (tugʻilgan paytdagi ismi Karl Adolf fon Syudov; 1929-yil 10-aprel — 2020-yil 8-mart) — shved aktyori. 2002-yildan beri Fransiya fuqaroligiga ham ega boʻlgan. U koʻplab filmlarda bosh rollarni ijro etgan, shuningdek, oʻnlab kinolarda ikkinchi darajali rollarni oʻynagan. Aktyor shved, norveg, ingliz, italyan, nemis, dan, fransuz va ispan tillaridagi filmlarda suratga tushgan. Uning eng esda qolarli rollari qatoriga Ingmar Bergman bilan ishlangan oʻn bir filmning birinchisi boʻlgan «The Seventh Seal» (oʻlim bilan shaxmat oʻynaydigan sahna uning karyerasidagi ramziy kadrlardan biriga aylangan) filmidagi ritsar Antonius Blok, Jorj Stivensning «The Greatest Story Ever Told» filmidagi Iso Masih, Uilyam Fridkinning «The Exorcist» filmidagi ota Merrin, «Three Days of the Condor» filmidagi yollanma qotil Jubert hamda «Flash Gordon» filmining 1980-yilgi talqinidagi Ming Merosxoʻr kiradi. U «Pelle the Conqueror» (1988) filmi uchun «Eng yaxshi aktyor» va «Extremely Loud and Incredibly Close» (2011) filmi uchun «Eng yaxshi ikkinchi darajali aktyor» nominatsiyalarida ikki bor Oskarga nomzod boʻlgan.