Biografiya
Matteo Garrone (1968-yil 15-oktyabr, Rim) — italyan kinorejissyori. Teatr tanqidchisi Niko Garrone va fotograf oilasida dunyoga kelgan. U 1996-yilda suratga olgan "Silhouette" qisqa metrajli filmi bilan Nanni Moretti tomonidan ta'sis etilgan "Sacher d'Oro" mukofotini qo'lga kiritgan. Ushbu film keyinchalik uning 1997-yildagi ilk to'liq metrajli "Terra di Mezzo" asariga kiritilgan. "Gomorrah" (2008) filmi uchun Yevropa kino mukofoti va "David di Donatello" mukofotlarida "Eng yaxshi rejissyor" deb topilgan. Uning "Reality" (2012) filmi Kann kinofestivalida qatnashib, "Gran-pri"ni qo'lga kiritgan. "Tale of Tales" (2015) va "Dogman" (2018) filmlari Kann kinofestivalining "Oltin palma yaprog'i" uchun kurashgan. "Dogman" filmi uchun Garrone "Eng yaxshi prodyuser" va "Eng yaxshi rejissyor" sifatida "Nastro d'argento" mukofotiga sazovor bo'lgan. 2019-yilda "Pinocchio" filmi uchun yana eng yaxshi rejissyor mukofotini olgan.
