Masami Odate

IYO SKY nomi bilan tanilgan Masami Odate — WWE promoushenida chiqish qiluvchi yaponiyalik professional kurashchi (restler). U 2007-yil 4-martda MAKEHEN promoushenida debyut qilgan. 2011–2018-yillar oralig‘ida Io Shirai nomi ostida World Wonder Ring Stardom’da ishtirok etib, olti karra “Artist of Stardom” chempioni, ikki karra “World of Stardom” chempioni va 2014-yilgi 5★STAR Grand Prix g‘olibi bo‘lgan. 2018-yilda WWE bilan shartnoma imzolagan. U bir karra WWE ayollar o‘rtasida jahon chempioni, WWE ayollar chempioni, ikki karra WWE ayollar o‘rtasida jamoaviy chempion hamda NXT ayollar chempioni unvonlarini qo‘lga kiritgan.