Mary Louise Weller

Jozibali aktrisa Meri Luiza Ueller 1946-yil 1-sentabrda tug‘ilib, Los-Anjelesda voyaga yetgan. Nyu-Yorkning yetakchi modellari safida bo‘lgan aktrisa kinodagi debyutini 1973-yilgi "Serpico" dramasida kichik, titrda ko‘rsatilmagan rol bilan boshlagan. U "Hunters of the Reef" (1978) telefilmida dengiz biologi va "The Evil" (1978) qo‘rqinchli filmida talaba qiz rollari bilan esda qolgan. Biroq aktrisaga eng katta shuhratni 1978-yilda suratga olingan "Animal House" komediyasidagi Mandy Pepperidge roli keltirgan. Keyinchalik u "The Bell Jar" (1979), "Blood Tide" (1982), "Forced Vengeance" (1982) va "Q" (1982) kabi filmlarda suratga tushgan. Shuningdek, "Quincy M.E.", "Fantasy Island", "CHiPs" va "Kojak" kabi mashhur teleloyihalarda epizodik rollarni ijro etgan. 80-yillarning boshida kino va televideniyedan ketib, Nyu-York teatr sahnasida faoliyatini davom ettirgan.