Mark Rhino Smith

Mark Ferrol 'Rhino' Smith 1969-yilda Londonda tug‘ilgan. U yamaykalik, cheroki indeysi, ganalik, yevropalik va xitoylik ajdodlarga ega bo‘lib, bu rang-barang meros va yashil ko‘zlar unga o‘zgacha qiyofa baxsh etgan. U ilk bor ITV kanalidagi mashhur «Gladiators» shousida «Rhino» nomi bilan ekranlarga chiqqan va besh yil davomida shu nom bilan tanilgan. Bodibildingdagi yutuqlari uni ushbu shouga olib kelgan. O‘n yetti yoshidan bodibilding bilan shug‘ullana boshlagan Mark «London Men's Heavy Weight Champion» va «Junior British champion» kabi ko‘plab unvonlarga sazovor bo‘lgan. Uning shiddatli uslubi unga «Rhino» (Karkidon) laqabini keltirdi. Mark keyinchalik «Batman Begins», «Pirates of the Caribbean 4», «Argo», «No Good Deed» kabi filmlarda, shuningdek, Britaniyaning «Rollin with the Nines» kabi mashhur kartinalarida suratga tushgan. Televideniyeda esa «Eastenders», «Hustle», «The Bill», «Synchronicity» kabi loyihalarda ishtirok etgan.