Mark Duplass

Mark Devid Dyuplass (1976-yil 7-dekabrda tugʻilgan) — amerikalik kinoijodkor, aktyor, ssenariy muallifi va musiqachi. U akasi Jey Dyuplass bilan birgalikda 1996-yilda „Duplass Brothers Productions“ kino kompaniyasiga asos solgan. Kompaniya doirasida ular „The Puffy Chair“ (2005), „Baghead“ (2008), „Cyrus“ (2010), „Jeff, Who Lives at Home“ (2011) va „The Do-Deca-Pentathlon“ (2012) kabi filmlarni yozib, rejissyorlik qilishgan. Dyupass „Creep“ (2014) qoʻrqinchli filmi hamda uning davomi boʻlgan „Creep 2“ (2017) filmi, shuningdek, „The Creep Tapes“ (2024) serialining hammuallifi va bosh rol ijrochisi hisoblanadi. U „Room 104“ (2017–2020) antologiya serialiga hammualliflik va prodyuserlik qilgan. Shuningdek, u „Humpday“ (2009), „The League“ (2009–2015), „Greenberg“ (2010), „Safety Not Guaranteed“ (2012), „The One I Love“ (2014), „The Lazarus Effect“ (2015), „Togetherness“ (2015–2016), „Blue Jay“ (2016), „Tully“ (2018), „Goliath“ (2018–2019), „Paddleton“ (2019) va „Language Lessons“ (2021) kabi loyihalarda rol oʻynagan. „The Morning Show“ (2019–hozirgacha) serialidagi Charli "Chip" Blek roli uchun Dyuplass „Dramatik serialdagi eng yaxshi ikkinchi darajali aktyor“ nominatsiyasida ikki marta „Primetime Emmy“ mukofotiga nomzod boʻlgan. U, shuningdek, „Volcano, I'm Still Excited!!“ indie-rok guruhining solisti boʻlgan.