Mario Handler

Mario Handler 1935-yil 10-noyabrda Urugvayning Montevideo shahrida tugʻilgan. U taniqli kinoijodkor va fotograf boʻlib, koʻpchilik tomonidan Urugvay jangovar kinosining asoschisi sifatida eʼtirof etiladi. 1958-yilda oʻzining „Vanguardista“ nomli debyut film suratga olgan. Shundan soʻng Germaniyaga safar qilib, IWF (Ilmiy kino instituti)da ilmiy kino yoʻnalishida stajirovka oʻtagan. Keyinchalik Chexoslovakiyada „Pragada“ nomli hujjatli filmni yaratgan. U asosan sinfiy kurashlar mavzusiga eʼtibor qaratgan. Uning ilk ishlari qatoriga uysiz kishiga bagʻishlangan „Carlos“ (1964), talabalar namoyishlari haqidagi „Me Gustan Los Estudiantes“ (1968) va „Liber Arce, Liberation“ (1969) filmlari kiradi. 1972-yilda harbiy kuchlarning hokimiyat tepasiga kelishi va davlat toʻntarishi xavfi tufayli Venesuelaga surgun qilingan. Handlerning Venesueladagi keyingi ijodi mustamlakachilik hukmronligi va madaniy ildizlar, shuningdek, sinkretizm hamda xalq diniyligi shakllarini oʻrganishga bagʻishlangan. Bir necha yillik surgundan soʻng, 1999-yilda Urugvayga qaytib, u yerda „Aside“ (2002) va „Broken columns“ (2015) kabi bir nechta toʻliq metrajli hujjatli filmlarni suratga oldi. 2000-yilda Respublika universitetining Audiovizual kino kafedrasi professori boʻlgan.