Maria Pacôme

Mariya Pakom (1923-yil 18-iyul – 2018-yil 1-dekabr) — fransuz aktrisasi va dramaturgi. Parijda tug‘ilib, 1941-yildan “Le Cours Simon”da tahsil olgan. Mishyel Morgan va kelajakdagi turmush o‘rtog‘i Moris Ronelar bilan bir sinfda o‘qigan. 1950-yilda Ronega turmushga chiqqan va 1956-yilga qadar faoliyatini to‘xtatgan. Sahnadagi faoliyatini 1956-yilda Ugo Bettining “La Reine et les Insurgés” pyesasi bilan boshlagan. 1958-yilda Klod Manyening “Oscar” spektaklida Pyer Mondi va Jan-Pol Belmondolar bilan birga rol o‘ynagan. Katta ekrandagi ilk chiqishi 1959-yilda Mishyel Buaronning “Voulez-vous danser avec moi?” filmida bo‘lgan. U “The Troops of St. Tropez”, “Up to His Ears”, “Le Distrait” kabi filmlarda ikkinchi darajali rollarni ijro etgan, keyinchalik esa “La situation est grave… mais pas désespérée”, “Les Sous-doués” va “The Crisis” kabi filmlarda bosh rollarni ijro etgan.