Marc Anthony

Marc Anthony (asl ismi Marco Antonio Muñiz; 1968-yil 16-sentabrda tug'ilgan) — amerikalik xonanda, qo'shiq muallifi, aktyor, musiqa va televidenie prodyuseri. Anthony tropik salsa yo'nalishidagi barcha zamonlarning eng ko'p sotilgan san'atkoridir. Ikki karra "Gremmi" va besh karra "Lotin Gremmi" mukofotlari egasi bo'lgan xonandaning dunyo bo'ylab 12 milliondan ortiq albomi sotilgan. U asosan lotincha salsa va balladalari bilan tanilgan. Anthony ko'plab mukofotlarga sazovor bo'lgan va uning yutuqlari turli e'tiroflar bilan taqdirlangan. U 2009-yilda Kongressdagi Hispanic Caucus Institute (CHCI) raisining mukofotiga sazovor bo'lgan. Shuningdek, 2009-yil 16-sentabrda "CHCI raisining umrbod muvaffaqiyati mukofoti" bilan taqdirlangan. 2009-yil holatiga ko'ra, u Billboard Tropical Songs chartida eng ko'p birinchi o'rinni egallagan qo'shiqlarga egalik qilish bo'yicha Víctor Manuelle bilan bir xil ko'rsatkichga ega. Anthony — AQShning Miami Dolphins futbol klubining aksiyadori/hamkori hisoblanadi.