Mako

Mako Yaponiyaning Kobe shahrida, taniqli bolalar yozuvchisi va illyustrator Taro Yashima oilasida tug‘ilgan. Kichkinaligida ota-onasi AQShga ko‘chib o‘tgan. Ikkinchi jahon urushidan so‘ng, 1949-yilda Mako ularning oldiga borgan, 1950-yillarda esa harbiy xizmatga kirgan. 1956-yilda AQSh fuqaroligini olgan. AQShga borganida dastlab arxitektura sohasida o‘qigan, biroq harbiy xizmat paytida o‘zida aktyorlik qobiliyatini kashf etib, Pasadena Community Playhouse'da tahsil olgan. Aktrisa Shizuko Xoshi bilan oila qurgan, ularning ikki qizi ham aktrisalik kasbini tanlagan.