Majel Barrett

Majel Barrett-Roddenberry (tugʻilgan paytdagi ismi Majel Leigh Hudec; 1932-yil 23-fevral — 2008-yil 18-dekabr) — amerikalik aktrisa va prodyuser. U ilk Star Trek serialidagi hamshira Christine Chapel roli hamda barcha qismlardagi bort kompyuterlari tizimlariga ovoz bergani bilan mashhur. Shuningdek, u Star Trek asoschisi Gene Roddenberryning rafiqasi boʻlgan. Gene Roddenberry bilan nikohi hamda Star Trek olami bilan uzluksiz aloqasi tufayli (u franchayzaning shu paytgacha boʻlgan har bir serialida qatnashgan) uni baʼzan "Star Trekning birinchi xonimi" deb atashgan. Gene Roddenberry bilan Star Trek: The Original Series yopilgandan soʻng, 1969-yil 6-avgustda Yaponiyada turmush qurishgan. Ularning Eugene "Rod" Roddenberry Jr. ismli oʻgʻli bor (1974-yilda tugʻilgan).