Magnus Samuelsson

Magnus Samuelsson (1969-yil 21-dekabrda tug'ilgan) — shved aktyori va sobiq strogmen (kuchli atletikachi). 1998-yilda Marokashda bo'lib o'tgan "World's Strongest Man" musobaqasi g'olibi. Qo'l kurashi bo'yicha chempionlar oilasida o'sgan Samuelsson professional strogmenlik faoliyatidan avval dunyoning eng yaxshi qo'l kurashchilari qatorida bo'lgan va Yevropa chempioni unvoniga sazovor bo'lgan. U 1995-yildan 2007-yilgacha bo'lgan 13 yillik davr ichida 10 marta "World's Strongest Man" musobaqasining finaliga chiqib, rekord o'rnatgan. Shuningdek, u ushbu musobaqada besh marta shohsupaga ko'tarilgan. Samuelssonga "Gladiator" filmida rol o'ynash taklif etilgan, biroq u buni rad etgan. Rad etishiga sabab qilib, filmning darajasi past bo'lishini taxmin qilganini ko'rsatgan. 2009-yilda u "Dancing with the Stars" shousining Shvetsiya versiyasida g'olib chiqdi. 2011-yildan esa Shvetsiyaning "Arne Dahl" kriminal serialida detektiv Gunnar Nyberg rolini ijro etgan.