Mackenyu

Mackenyu (asl ismi Shinken'yu Maeda; 1996-yil 16-noyabrda tugʻilgan) — Los-Anjelesda tavallud topgan yaponiyalik aktyor. U taniqli aktyor va jangchilik san'ati ustasi Sonny Chibaning oʻgʻli. Bolaligida ot minish, Yabusame, Kiokushinkay karate (AQSh milliy chempionatida uchinchi oʻrinni egallagan), gimnastika, suv polosi va kurash kabi koʻplab sport turlari bilan shugʻullangan. Shuningdek, 10 yoshidan boshlab pianino chalishni oʻrgangan, keyinchalik maktab ansamblida saksofon va fleyta chalgan. Oʻn besh yoshida aktyor Haruma Miuraning ishtirokidagi filmni koʻrib, Yaponiyada professional aktyorlikka intilishga qaror qiladi. U oʻz karyerasini yoʻlga qoʻygach, mazkur aktyor bilan bir filmda suratga tushishni orzu qiladi va bu niyati 2021-yilda "Gunjō Senki" filmida amalga oshadi. Mackenyu oʻzining ilk bosh rolini 2015 yilda "Take a Chance" filmida ijro etgan, shuningdek, Asians of Film festivalida eng yaxshi ikkinchi plandagi aktyor mukofotini keltirgan "Tadaima" (2015) qisqa metrajli filmida suratga tushgan. Oʻsha yilning oxirida u Yaponiyaga koʻchib oʻtgan. Uning Yaponiyadagi shuhrati "Kamen Rider Drive: Surprise Future" (2015) filmidagi Eiji Tomari roli orqali yanada ortdi. 2016 yilda u "Boys Over Flower" (Hana Yori Dango) yapon musiqiy sahnasida debyut qilib, kelajakdagi yirik rollariga zamin yaratdi.