Macaulay Culkin

Macaulay Culkin (1980-yil 26-avgustda tugʻilgan) — amerikalik aktyor. U 1990-yilda Jon Xyuzning «Uyda yolgʻiz» komediyasi orqali mashhur boʻlib, 90-yillarning eng mashhur bolakay aktyorlaridan biriga aylandi. 1991-yilda u «Yolgʻizlarning oʻzi» hamda tanqidchilar olqishiga sazovor boʻlgan «Mening qizim» filmlarida suratga tushdi. Shundan soʻng aktyor «Uyda yolgʻiz 2: Nyu-Yorkda adashib» (1992) filmidagi Kevin rolini muvaffaqiyatli takrorladi. 1993-yilda esa u oʻzining avvalgi rollaridan tubdan farq qiluvchi, ogʻir vaziyatdagi murakkab bolani gavtirgan «Yaxshi bola» nomli dramatik filmda bosh rolni oʻynadi. Culkin 1993 va 1994-yillarda bir nechta loyihalarda, jumladan, «Qarsildoq» (1993), «Dadam bilan hisob-kitob» (1994), «Pagemaster» (1994) hamda bosh rolni ijro etgan «Richie Rich» (1994) filmlarida faoliyatini davom ettirdi. Shundan soʻng u 20 yoshlarida aktyorlik faoliyatida biroz tanaffuz qilib, vaqti-vaqti bilan kinoda koʻrinish berdi va boshqa ijodiy yoʻnalishlarni sinab koʻrdi. 2000-yillarning boshlarida Culkin sahnaga qaytdi. U 2000-yilda Londonda namoyish etilgan va keyingi yili Nyu-Yorkka koʻchirilgan «Madame Melville» pyesasida bosh rolni oʻynadi. Uning kattalar safidagi ilk filmi 2003-yilda suratga olingan «Party Monster» boʻlib, unda qotil promouter Michael Alig rolini gavdalantirdi. Oradan koʻp oʻtmay, singlisi diniy mutaassib boʻlgan oʻquvchi haqidagi «Saved!» (2004) komediyasida suratga tushdi. Keyinchalik u «Sex and Breakfast» (2007), «The Wrong Ferrari» (2011) va boshqa filmlarda rol oʻynagan.