Luis Fernando Bottia

Luis Fernando Bottía 1954-yilda Kolumbiyaning Barrankilya shahrida tug'ilgan. U Bogotadagi Universidad de los Andes universitetining siyosatshunoslik fakultetini tamomlagan. "Diario del Caribe" gazetasida kinoresenzent bo'lib ishlagan, shuningdek, Barrankilyadagi Universidad Autónoma del Caribe y del Norte universitetida dars bergan. U kino sohasidagi faoliyatini 1980-yillarda rejissyor va ssenariynavis sifatida boshlagan. 1981-yilda uning ssenariysi asosida suratga olingan va o'zi rejadissyorlik qilgan "Carnaval en blanco y negro" filmi Kolumbiyaning Cocultura kinofestivalida e'tirof etilgan. 1983-yilda Bogota kinofestivalining bosh mukofotini qo'lga kiritgan, o'sha yili o'zining "El Guacamaya" o'rta metrajli filmi uchun Ispaniyadagi Huelva lotin-amerika kinofestivalida maxsus eslatmaga sazovor bo'lgan. 1986-yilda o'zining ilk to'liq metrajli "La boda del acordionista" film taqdim etgan va Kubaning Gavan shahridagi Yangi Lotin Amerikasi kinosi xalqaro festivalida "Eng yaxshi debyut ish" uchun beriladigan "Coral" mukofotini olgan. Shuningdek, Bogota xalqaro kino salonining 3-festivalida, Fransiyadagi Nant kinofestivalida va Bogota kinofestivalida bir nechta mukofotlarni qo'lga kiritgan. 1987-yilda "Corralejas" teleserialiga rejissyorlik qilgan. Ushbu serial o'sha yili Simon Bolivar milliy televideniye mukofotini va Kartaxena kinofestivalining "India Catalina" mukofotini yutib olgan. 1990-yilda uning "Aluna" ssenariysi Meksikadagi Bolalar va yoshlar uchun kino loyihalarining 2-tanlovida g'olib deb topilgan.