Luis Buñuel

Luis Buñuel Portolés (1900–1983) — Ispaniya, Fransiya va Meksikada ijod qilgan ispan rejissyori. Kinotanqidchilar va tarixchilar tomonidan kino tarixidagi eng ta’sirli ijodkorlardan biri deb e’tirof etiladi. Uning asarlari avant-gard syurrealizm, ijtimoiy va siyosiy satira bilan yo‘g‘rilgan. 1920-yillarda Salvador Dali bilan hamkorlikda suratga olgan “Un Chien Andalou” (1929) va “L'Age d'Or” (1930) filmlari kinematografik syurrealizmning asosi hisoblanadi. 1947–1960-yillarda Meksikada “Gran Casino”, “Los Olvidados” va “Él” kabi dramalarni suratga olgan. 1961-yilda rejissyorning “Viridiana” filmi Kann kinofestivalida “Oltin palma yaprog‘i”ni qo‘lga kiritgan. Keyingi yillarda “The Exterminating Angel” va “The Discreet Charm of the Bourgeoise” kabi asarlari bilan katta shuhrat qozongan.