Ludacris

Kristofer Brayan Bridjes (1977-yil 11-sentabrda tug'ilgan) — Ludacris sahnani nomi bilan tanilgan amerikalik reper va aktyor. Illinoys shtatining Shampen shahrida tug'ilib, keyinchalik Jorjiya shtatining Atlanta shahriga ko'chib o'tgan. Faoliyatini DJ sifatida boshlagan Ludacris 1990-yillarning oxirida o'zining “Disturbing tha Peace” ovoz yozish studiyasiga asos solib, “Incognegro” (1999) nomli ilk studiyaviy albomini mustaqil chiqargan. Uning “What's Your Fantasy” (Shawnna ishtirokida) singli Billboard Hot 100 reytingida kuchli 40 talikka kirgach, Def Jam Recordings studiyasi albomni “Back for the First Time” (2000) nomi bilan qayta nashr etgan. Ushbu albom Billboard 200 reytingida to'rtinchi o'rinni egallab, uning ikkinchi muvaffaqiyatli singli “Southern Hospitality” (Pharrell ishtirokida) chiqarilishiga yo'l ochgan. Keyingi albomlari — “Word of Mouf” (2001), “Chicken-n-Beer” (2003) va “The Red Light District” (2004) Amerika ovoz yozish sanoati assotsiatsiyasi (RIAA) tomonidan ko'p karra platina sertifikatiga ega bo'ldi. Beshinchi va oltinchi albomlarida u yanada jiddiy mavzularga qo'l urgan bo'lsa, yettinchi albomi “Battle of the Sexes” (2010) bilan ijodiy yengillikka qaytdi. Faoliyati davomida u ikkita Billboard Hot 100 cho'qqisini zabt etgan (“Stand Up” va “Money Maker”) hamda mehmon ijrochi sifatida yana uchta muvaffaqiyatli singlga erishgan.