Luca Barbareschi

Luka Barbareski (1956-yil 28-iyulda Montevideoda tug‘ilgan) — italyan-urugvaylik aktyor, teleboshlovchi va Italiya Deputatlar palatasining sobiq a’zosi. Yahudiy millatiga mansub. 1980-yil suratga olingan “Kannibal xolokosti” qo‘rqinchli filmidan keyin italyan politsiyasi uni o‘ldirilgan deb gumon qilgan to‘rt aktyordan biri edi. Film shu qadar real chiqqanki, rejissyor Rujjero Deodato qotillikda ayblanib hibsga olingan. Aslida esa aktyorlar film haqidagi shov-shuvlarni kuchaytirish uchun bir yil davomida OAVdan yiroq bo‘lish shartnomasini imzolagan edilar. Faqatgina shartnoma bekor qilinib, aktyorlar televideniye orqali ko‘rinish berganlaridan keyingina sud ularning tirik ekanligiga ishongan. 2008-yilda Silvio Berluskonining o‘ng markazchi “Ozodlik xalqi” partiyasidan parlament a’zosi etib saylangan. 2010-yilda 32 deputat va 10 senator bilan birgalikda Janfranko Finining “Kelajak va ozodlik” partiyasiga o‘tgan. 2013-yilda parlament faoliyatini yakunlagan. 2012-yil 11-iyunda jurnalist Filippo Romaning hujumiga uchragan. Javob tariqasida u operator Marko Okkipintiga tashlanib, kamerani sindirgan va voqeani tasvirga olayotgan smartfonini tortib olgan. Deputatlik daxlsizligi tufayli politsiya uni tintuv qila olmagan. Jurnalist o‘g‘irlik bo‘yicha shikoyat yozgan bo‘lsa-da, telefon hech qachon qaytarilmagan.