Luís Miguel Cintra

Portugaliyaning taniqli aktyor va sahna rejissori Luís Miguel Cintra 1949-yilda Madriddag' tug'ilgan. Uning teatrga qiziqishi 1968-yilda Lissabon universitetida Roman filologiyasini o'qib yurgan kezlarida Adabiyot fakulteti teatr to'garagida boshlangan. Kalouste Gulbenkian jamg'armasi granti yordamida 1970–1972-yillarda Bristol Old Vic teatr maktabida aktyorlik kursini tamomlagan. Portugaliyaga qaytgach, 1973-yilda Jorge Silva Melo bilan birgalikda "Teatro da Cornucópia" kompaniyasiga asos solgan. U yerda Aeschylus, Sophocles, Shakespeare, Brecht, Beckett va Strindberg kabi buyuk dramaturglar asarlarini sahnalashtirib, o'zi ham ko'pincha aktyor sifatida qatnashgan. Shuningdek, 1980-yilgacha "O Tempo e o Modo" jurnalida teatr tanqidchisi bo'lib ishlagan, nashriyotlarning teatr bo'limlarini boshqargan. Cintra Almeida Garrett, Camilo Castelo Branco asarlarini, shuningdek, Pessoa, Camões va boshqa shoirlarning she'rlarini audioformatda to'liq yozib qoldirgan. 1987-yilda Teatru Nacional de S. Carlos sahnasida Ravelning "L'Enfant et les Sortilèges" hamda Purcellning "Dido and Aeneas" operalarini sahnalashtirib, opera rejissori sifatida debyut qilgan.