Liza Koshy

Elizabeth Shaila Koshy (1996-yil 31-martda tug'ilgan) — amerikalik yutuber, media shaxsi va aktrisa. Uning asosiy kanali 17 millionga yaqin obunachiga ega bo'lib, ikkita kanalidagi umumiy ko'rishlar soni 3 milliarddan oshgan. U to'rtta Streamy Awards, to'rtta Teen Choice Awards hamda Kids' Choice Award mukofotlari sohibasidir. Koshy o'z faoliyatini 2013-yilda Vine platformasida boshlagan, keyinchalik YouTube kanalini ochgan. Aktrisalikdagi debyutini Tyler Perry rejissyorlik qilgan "Boo! A Madea Halloween" (2016) qora komediyasida Aday Walker roli bilan amalga oshirdi. Shuningdek, "Freakish" (2016–2017) dahshatli serialida Violet Adams va YouTube Premium'ning "Escape the Night" (2017–2019) serialida The Explorer obrazini gavdalantirgan. 2017–2018-yillarda MTV kanalining "Total Request Live" dasturida muxbirlik qilgan. U mualliflaridan biri va bosh qahramon ijrochisi bo'lgan YouTube Premium'ning "Liza on Demand" (2018–2021) komediya seriali katta e'tirofga sazovor bo'ldi. Nickelodeon kanalining "Double Dare" (2018–2019) ko'rsatuvini olib borib, Daytime Emmy mukofoti nominatsiyasiga loyiq ko'rildi. Netflix'ning "Work It" (2020) musiqiy komediyasida bosh rolni ijro etgan, shuningdek, "My Little Pony: A New Generation" (2021) hamda "Transformers: Rise of the Beasts" (2023) filmlarida personajlarga ovoz bergan. Koshy Forbes'ning 2019-yilgi "30 Under 30" ro'yxatiga, shuningdek, Time jurnalining internetdagi eng nufuzli 25 kishi va "Time 100 Next" ro'yxatlariga kiritilgan.