Livia Brito Pestana

Livia Brito 1986-yil 21-iyulda Kuba poytaxti Gavanada tug‘ilgan. Aktyor Rolando Brito Rodriges va balet raqqosasi Gertrudis Pestananing qizi bo‘lgan Livia 2000-yilda oilasi bilan Meksikaga ko‘chib o‘tgan. Meksikada otasi an’anaviy Kuba taomlarini taklif qiluvchi "La Cubana" restoranini ochgan. Livia biznes boshqaruvi bo‘yicha o‘qish xarajatlarini qoplash uchun avval restoranida ofitsiant, keyinchalik model bo‘lib ishlagan. 2009-yilda "Reina Mundial del Banano" tanlovining Meksika bosqichida ikkinchi o‘rinni egallab, "Miss Fotogenik" unvoniga sazovor bo‘lgan. San’atkorlar oilasidan chiqqan Livia keyinchalik Televisaning "Centro de Educación Artística" (CEA) maktabida tahsil olgan.