Liv Tyler

Liv Rundgren Tayler (1977-yil 1-iyulda tugʻilgan) — amerikalik aktrisa. U 14 yoshida model sifatida faoliyat boshlagan, soʻngra «Silent Fall» (1994) filmida debyut qilgan. «Heavy» va «Empire Records» (ikkisi ham 1995) hamda «Stealing Beauty» (1996) filmlaridagi bosh rollari bilan tanqidchilar eʼtirofiga sazovor boʻlgan. Shundan soʻng u «Armageddon» (1998) va boshqa filmlarda suratga tushgan. U tarixdagi eng koʻp daromad keltirgan kinofranshizalardan biri boʻlgan «The Lord of the Rings» trilogiyasida (2001–2003) elf Arwen Undómiel rolini ijro etgan. «The Lord of the Rings» muvaffaqiyatidan keyin Tayler «Jersey Girl» (2004), «Reign Over Me» (2007), «The Strangers», «The Incredible Hulk» (ikkisi ham 2008), «Ad Astra» (2019) kabi turli janrdagi filmlarda rol oʻynagan. Kinodan tashqari, u HBO telekanalining «The Leftovers» (2014–2017) va Fox telekanalining «9-1-1: Lone Star» (2020) kabi seriallarida suratga tushgan.