Liu Peiqi

Liu Peiqi — xitoylik aktyor. U 1979-yili Harbiy san’at maktabida o‘qishni boshlagan, 1983-yilda esa Shinjon harbiy drama guruhiga qo‘shilgan. Aktyor 1985-yilda rejissyor Van Binlingning "Ota va o‘g‘il" filmida debyut qilgan. Pekin va Xitoy milliy drama guruhlarida ishlagan davrida u Ley Syanxening "Leyfen bo‘lmagan kunlar" filmida suratga tushib, Xitoyning eng nufuzli kinomukofoti — "Oltin xo‘roz"ga sazovor bo‘lgan. Shuningdek, Xitoy Radio, kino va televideniye vazirligi tomonidan taqdim etiladigan "Eng yaxshi erkak roli" mukofotini ham qo‘lga kiritgan. Uning so‘nggi yillardagi muvaffaqiyatli rollari qatoriga Chjan Imuning "Syu Szyuning hikoyasi", Chjou Syaovenning "Ermo" va Chen Kaygening "Birga" filmlari kiradi. "Birga" filmidagi ijrosi uchun u San-Sebastian xalqaro kinofestivalida "Eng yaxshi aktyor" deb topilgan va bu yutuqni qo‘lga kiritgan ilk xitoylik aktyorga aylangan.