Lindsay Lohan

Lindsay Dee Lohan (1986-yil 2-iyulda tugʻilgan) — amerikalik aktrisa va qoʻshiqchi. Nyu-Yorkda tugʻilib, Long-Aylendda oʻsgan Lohan uch yoshida Ford Models agentligi bilan shartnoma imzolagan. 10 yoshida “Another World” teleserialida muntazam qatnashganidan soʻng, uning karyerasida burilish yasagan film — Walt Disney Pictures kompaniyasining “The Parent Trap” (1998) kartinasi boʻldi. Filmning muvaffaqiyati unga “Freaky Friday” (2003) va “Mean Girls” (2004) kabi yirik kinolarda bosh rollarni olib keldi va uni Gollivud yulduziga aylantirdi. Lohan Casablanca Records bilan shartnoma imzolab, platina maqomini olgan “Speak” (2004) va oltin sertifikatli “A Little More Personal (Raw)” (2005) nomli ikkita studiyaviy albomini chiqargan. U oʻzining imkoniyatlarini kengaytirish maqsadida “A Prairie Home Companion”, “Bobby” (ikkisi ham 2006-yil) va “Chapter 27” (2007) kabi mualliflik filmlarida ham rollar oʻynay boshlagan.