Lim Mei Fen

Lim Mei Fen — malayziyalik aktrisa va prodyuser, 1987-yil 24-iyunda tug'ilgan. Aktrisalik faoliyatini boshlashidan oldin, 2006-yilda 8TV kanalining "I Wanna Be A Model" loyihasida ishtirok etgan. Shuningdek, 2007-yildan boshlab ikki yil davomida NTV7 telekanalining "Deal or No Deal" ko'rsatuvida qatnashgan. U teatrdagi faoliyatini 2014 yilda Milliy teatrda sahnalashtirilgan ulkan "Takhta 3 Ratu" spektaklida malika Hang Li Po rolini ijro etishdan boshlagan. 2018-yilda Mustaqillik bayramiga bag'ishlangan "Tanah Akhirku" loyihasiga ssenariy yozib, uni produserlik qilgan va o'zi ham suratga tushgan. Rejissyor James Lee'ning 2019-yilda suratga olingan "Two Sisters" filmidagi ruhiy tushkunlikka tushgan kenja singil Mei Yie roli uchun Kuala-Lumpur kino tanqidchilar assotsiatsiyasi tomonidan "Eng yaxshi aktrisa" nominatsiyasiga loyiq ko'rilgan.