Lily Gladstone

Lily Catherine Gladstone (1986-yil 2-avgustda tug‘ilgan) — amerikalik aktrisa. Blackfeet rezervatsiyasida o‘sgan aktrisa Piegan Blackfeet, Nez Perce va Yevropa millatlariga mansub. Martin Scorsesening “Killers of the Flower Moon” (2023) dramasidagi Molli Kayl roli uchun katta e'tirofga sazovor bo‘lgan. U “Oltin globus” mukofotini qo‘lga kiritgan birinchi tubjoy amerikalik aktrisa bo‘ldi va “Eng yaxshi aktrisa” nominatsiyasida Oskar mukofotiga nomzod sifatida ko‘rsatildi. Aktrisa debyutini 2012-yilda “Jimmy P: Psychotherapy of a Plains Indian” filmida qilgan, shuningdek, rejissyor Kelly Reichardtning “Certain Women” (2016) va “First Cow” (2019) filmlarida suratga tushgan. “Under the Bridge” (2024) miniserialidagi ijrosi uchun Primetime Emmy mukofotiga nomzod bo‘lgan.