Lily Cole

Lily Luahana Cole (1987-yil, 27-dekabr) — ingliz aktrisasi va tadbirkor. U o‘smirligidan model sifatida faoliyat boshlagan va 2009-yilda Vogue Paris tomonidan 2000-yillarning eng yaxshi 30 ta modeli ro‘yxatiga kiritilgan. 16 yoshida ilk bor British Vogue muqovasida chiqqan, 2004-yilda British Fashion Awards mukofotida "Yil modeli" deb topilgan. Alexander McQueen, Chanel, Louis Vuitton, Jean Paul Gaultier va Moschino kabi brendlar bilan hamkorlik qilgan, Longchamp, Anna Sui, Rimmel va Cacharel reklama kampaniyalarida qatnashgan. Aktrisa sifatidagi ilk bosh rolini 2009-yilda "The Imaginarium of Doctor Parnassus" filmida Valentina obrazi bilan ijro etgan. Shuningdek, Shekhar Kapurning "Passages" qisqa metrajli filmida va Roland Joffening "There Be Dragons" filmida suratga tushgan. 2013-yilda yordam so‘rovlari va istaklarni qabul qiluvchi impossible.com saytiga asos solgan.