Lenore Ulric

Lenore Ulric (1892-yil 21-iyul – 1970-yil 30-dekabr) Brodvey sahnalari hamda Gollivudning soqov va ilk ovozli kino davri yulduzlaridan biri bo‘lgan. Uning otasi, Frans Ksaver Ulrix AQSH armiyasida gospital xodimi bo‘lib ishlagan. Qizining ismini Edgar Allan Poning “Qarg‘a” she’riga bo‘lgan mehridan kelib chiqib qo‘ygan. Keyinchalik aktrisa familiyasidagi "h" harfini olib tashlab, ijodiy nomi sifatida Lenore Ulricdan foydalana boshlagan. U Essanay Studiosda aktrisa sifatida ish boshlab, keyinroq Nyu-Yorkning Skenektadi shahridagi truppaga qo‘shilgan. "The First Man" (1911), "A Polished Burglar" (1911), "Kilmeny" (1915) va "The Better Woman" (1915) kabi filmlarda suratga tushgan. 1915-yilda Pallas Pictures bilan hamkorlikni boshlab, bugungi kunda AQSH Kongressi kutubxonasida saqlanib qolgan bir nechta filmlarda bosh rollarni ijro etgan. 1929-yilda Gollivudga kelib, "Frozen Justice" va "South Sea Rose" filmlarida o‘ynagan. Fox Film Corporation bilan taxminan 650 ming dollarlik shartnoma imzolagan. Allan Dvan rejissyorligida suratga olingan "Frozen Justice" filmining ayrim sahnalari Alyaskada olingan. Shuningdek, u Greta Garbo ishtirokidagi "Camille" filmida ikkinchi darajali rolni muvaffaqiyatli ijro etgan. 1940-yilda Brodveyga qaytib, Ernest Xemingueyning "The Fifth Column" asarida, 1947-yilda esa "Antony and Cleopatra" spektaklining yangi talqinida ishtirok etgan.