Leni Riefenstahl

Xelena Berta Amaliya "Leni" Rifenshtal (1902-yil 22-avgust – 2003-yil 8-sentyabr) — nemis kinoresjissori, aktrisasi va raqqosasi bo'lib, kinorejissura sohasidagi estetikasi va yangiliklari bilan keng tanilgan. Uning eng mashhur filmi 1934-yilda Natsistik partiyaning Nyurnberg qurultoyida suratga olingan "Triumph des Willens" ("Iroda g'alabasi") kartinasidir. Uchinchi Reyx davridagi nufuzi hamda Adolf Gitler bilan shaxsiy do'stligi tufayli Ikkinchi jahon urushida Germaniya mag'lubiyatga uchragach, Rifenshtalning kinochilikdagi faoliyati to'xtab qoldi. Shundan so'ng u hibsga olingan, ammo hech qanday ayblovsiz ozod qilingan. "Iroda g'alabasi" filmi Rifenshtalga darhol va uzoq yillik xalqaro shuhrat bilan birga yomon nom ham keltirdi. Garchi u atigi sakkizta film suratga olgan, ulardan faqat ikkitasigina Germaniyadan tashqarida katta e'tibor qozongan bo'lsa-da, Rifenshtal hayoti davomida butun dunyoga mashhur bo'ldi. 1930-yillarda yaratilgan uning filmlaridagi targ'ibot ruhi bugungi aksariyat sharhlovchilarni ranjitsa-da, ko'plab kino tarixi kitoblari ularning estetik qiymatini yuqori baholaydi. The Economist gazetasi "Iroda g'alabasi" uning "XX asrning eng buyuk ayol kinoijodkori sifatidagi obro'sini muhrlagani" haqida yozgan. 1970-yillarda Rifenshtal Sudandagi Nuba qabilalari aks etgan fotosuratlarini "The Last of the Nuba" kabi bir nechta kitoblarda nashr etdi. U to vafotigacha faol bo'lib, dengiz osti dunyosi fotosuratlarini ham chop etdi va 2002 yilda suv osti hayotiga bag'ishlangan "Impressionen unter Wasser" film taqdimotini o'tkazdi. Vafotidan so'ng Associated Press agentligi Rifenshtalni "kino va fotografiya texnikasining tan olingan kashshofi" deb ta'rifladi. Berlindagi Der Tagesspiegel gazetasi shunday deb yozgan: