Lee Garlington

Ann Lesli "Li" Garlington (1953-yil 20-iyulda tug‘ilgan) — amerikalik aktrisa. U "The Golden Girls" serialining so‘nggi mavsumida Rouz Nylundning (Betti Uayt) qizi Kirsten, "Friends" serialida Jui Tribbianining otasining ma'shuqasi Ronni rollari hamda "Everwood" serialidagi Brenda Baksvortning takrorlanuvchi obrazi orqali tanilgan. Shuningdek, u "Lenny" serialining bosh qahramonlaridan biri bo‘lgan. U "The West Wing", "7th Heaven", "8 Simple Rules", "CSI: Crime Scene Investigation", "Judging Amy", "Will & Grace", "Matlock", "L.A. Law", "The Practice", "Quantum Leap", "Home Improvement", "Boston Legal", "Roseanne", "Get a Life", "Profiler", "Medium", "Buffy the Vampire Slayer", "Two and a Half Men", "Lie to Me" kabi ko‘plab mashhur teleseriallarda mehmon aktrisa sifatida qatnashgan. U Alfred Xichkokning "Psycho" filmining davomilari bo‘lgan "Psycho II" (1983) va "Psycho III" (1986) filmlarida suratga tushgan. 1986-yilda Sylvester Stallone va Brigitte Nielsen bilan birgalikda "Cobra" jangari trillerida bosh rollardan birini ijro etgan. 1992-yilda suratga olingan "Sneakers" filmida Robert Redford bilan bir sahnada chexoslovakiyalik matematika olimasi doktor Elena Rizkov rolini o‘ynagan. Aslida u "Seinfeld" serialining bosh ayol rolini o‘ynashi kerak edi. U "The Seinfeld Chronicles" nomli pilot epizodda asosiy ayol qahramon sifatida ishtirok etib, "Pete's Luncheonette" kafesida ofitsiantka Kler rolini ijro etgan. Biroq serial efirga uzatilishi tasdiqlangach, bosh qahramonning boshqa aktyorlarga nisbatan ijtimoiy maqomi juda farq qilishi mos kelmaydi deb topildi va Kler obrazi olib tashlanib, uning o‘rniga Eleyn Benes kiritildi.