Laura Gemser

Lorette Marsiya " Laura" Gemser (1950-yil 5-oktabrda Indoneziyaning Yava shahrida tug'ilgan) — kelib chiqishi indoneziyalik bo'lgan va Niderlandiyada yashagan aktrisa. U rejissorlar Jo D'Amato va Bruno Mattei bilan qilgan ishlari, xususan, ekspluatatsion uslubdagi va Qora Emmanuelle filmlari bilan tanilgan. Gemser, shuningdek, Moira Chen taxallusi ostida ham suratga tushgan, jumladan, "Love Is Forever" (1983) filmida. Gemser 1955-yilda to'rt yoshida Indoneziyani tark etib, ota-onasi bilan Niderlandiyaga ko'chib o'tgan. U Gollandiyaning Utrext shahrida ulg'aygan va MULO Regentesseschool o'rta maktabida o'qigan. Shundan so'ng u Utrextdagi Artibus san'at maktabida o'qib, moda dizayni yo'nalishi bo'yicha tahsil olgan. 1975-yilda u Italiyaga ko'chib o'tgan. Niderlandiya va Belgiyadagi turli jurnallarda model sifatida ishlagandan so'ng, Gemser ba'zi yumshoq erotik filmlarda qatnasha boshladi. U 1970-yillardagi bir qator "Qora Emanuelle" filmlarida bosh rolni o'ynagach, xalqaro miqyosda tan olindi. Uning eng mashhur va iliq kutib olingan roli Maykl Landonning 1983-yilda suratga olingan "Love Is Forever" nomli Amerika televideniyesi filmidagi laoslik qochqin Keo Sirisomfon roli bo'lib, unda u Moira Chen sifatida ko'rsatilgan. Gemser kino olishni davom ettirdi: ba'zida u aktyor turmush o'rtog'i Gabriele Tinti bilan birga ishlagan. 1990-yillarda u kino sohasini tark etib, filmlar uchun kostyumlar dizayni bilan shug'ullana boshladi. Bundan tashqari, 1991-yilda uning turmush o'rtog'i saraton kasalligidan vafot etdi. Hozirda u Rimda nafaqada va kamtarona hayot kechirmoqda, biroq hamon sensual adventurist Emmanuelle rolini ijro etgan go'zal ayollardan biri sifatida esga olinadi.